Ilahi Teri Chokhat Per Bhikari Ban Ker Aya Hoon Lyrics - Junaid Jamshed

By: 

Ilahi Teri Chokhat Per Bhikari Ban Ker Aya Hoon Lyrics


Zahir ki ankh se na tamasha kare koi,
Ho dekhna to deeda-e-dil wah kare koi,
Parh bethay kiya samajh ker bhala toor per kaleem
Takkat ho deed ki to taqaza kare koi

Ilahi teri chokhat per bhikari ban ker aya hoon,
Sarapa faqr hoon, ijz-o-nadamat saath laya hoon,
Bhikari woh ke jis ke paas jholi hai na payala hai,
Bhikari woh jisey hiras-o-hawas nay maar dala hai,
Mata-e-deen-o-danish, nafs ke hathon se lutwa ker.

Sakoon-e-qalb ki daulat hawas ki bhent charha ker,
Lutta ker sari poonji ghaflat-o-issyan ki daldal mein,
Sahara lene aya hoon tere kaabay ke aanchal mein,
Gunahon ki lipatt sey, kaynat-e-qalb afsurda,

Iraaday muzmehehal, himmat shikasta hoslay murda,
Kahan say laoon takat dil ki sachi tarjumani ki,
Ke kis jhanjhal mein guzri hein ghariyan zindagani ki.

Khulasa yeh ke bus jull bhun ker apni roo-sayahi sey,
Sarapa faqr ban ker apni haalat ki tabahi sey,
Tere darbar mein laya hoon apni ab zaboon-haali,
Teri chokhat ke laeq har amal se hath hein khali,
Yeh Tera ghar hai ye Tere mehr ka darbar hai Maula
Sarapa noor hai, ik mohbat-e-anwaar hai Mola.

Teri chokhat ke jo adab hein, main unn se khali hoon,
Nahi jis ko saleeqa manganey ka, woh sawali hoon
Zuban ghalt-e-nadamat dil ki na’kas tarjumani per,
Khudaya reham meri iss zaban-e-ijz-zabani per,
Ye ankhein khushk hein, Ya Rabb inhein rona nahi aata,
Sulagtay daagh hein dil mein jinhein dhona nahi aata.

Ilahi teri chokhat per bhikari ban kay aaya hoon,
Sarapa faqr hoon, ijz-o-nadamat saath laya hoon,
Sarapa faqr hoon, ijz-o-nadamat saath laya hoon.

Lyrics & Video Information:
Artist: Junaid Jamshed
Video Title: Multazim Par
Kalaam By: Mufti Taqi Usmani
Album: Jawa-e-Janaan


More Islamic Lyrics

  1. Kankar Se Kalma Parhwao Phir Kehna Hum Jaise The Lyrics - Naat Lyrics
  2. Pukara Dilsay Kisi Ney Lyrics - Dhamani Sisters
  3. Mangnay Ka Maza Hei Dar e Yaar Par Lyrics - Owais Raza Qadri
  4. Every Beat Lyrics (Arabic & French) Lyrics - Aashiq al-Rasul
  5. Ya Mustafa Ata Ho Lyrics - Owais Raza Qadri
  6. You Are The One Lyrics - Raef
  7. The Sound of Tears Lyrics - Nader Khan
  8. Apni Nisbat Se Mein Kuch Nahi Hu Lyrics - Owais Raza Qadri
  9. Mother (Turkish) Lyrics - Sami Yusuf
  10. Ya Aba Abdillahil Husayn Lyrics - Voices Of Passion
  11. Rabana Ya Rabana Lyrics - Owais Raza Qadri
  12. Durood Shareef Lyrics - Milad Raza Qadri
  13. Muslimano Karo Khushiya Muhammad Mustafa Aaya Lyrics - Qazi Wasim Abbas
  14. Aa Gayi Mustafa Ki Sawari Lyrics - Naat Lyrics
  15. The Lord of the Worlds Lyrics - Labbayk
  16. Homecoming Lyrics - Gaith Adhami
  17. Hear Your Call Lyrics - Sami Yusuf
  18. Medina Lyrics - Maher Zain
  19. Insan Lyrics - Hamza Namira
  20. 99 Names of Muhammad Lyrics - Beautiful Names
  21. [Rabbee] I’m Yours Lyrics - Raef
  22. Afreen Afreen Lyrics - Aashiq al-Rasul
  23. Ibn El-Watan Lyrics - Hamza Namira
  24. Ya RasoolAllah Karam Lyrics - Qari Mohammed Rizwan
  25. Wo Charag e Deen e Muhammadi Lyrics - Naat Lyrics

COMMENTS

Subscribe
Notify of
guest

342 Comments
Newest
Oldest Most Voted
Inline Feedbacks
View all comments
342
0
Would love your thoughts, please comment.x
()
x