Naat Khawan: Rashid Azam
Khaliq Nay Apnay Nur Ka, Jalwa Dikha Diya,
Sab Nur Ko Mila Kay Muhammad (Salla Llahu ‘Alayhi Wa Sallam) Bana Diya.
Aa Gayi Mustafa Ki Sawari,
Apnay Ghar Ko Diloon Say Saja Lo,
Day Rahay Hain Farishtay Salaami,
Tum Duroodon Ki Mala Bana Lo.
Apnay Mangtoon Ko Woh Paltay Hain,
Woh Bhala Kis Ko Kab Taltay Hain,
Sadqa Hasnain (Radi Allahu ‘Anhu) O Ghous Ul Wara (Rahimahu Llah) Ka,
Ya Nabi (Salla Llahu ‘Alayhi Wa Sallam) Meri Jholi Mein Dalo.
Ker Kay Naatoon Say Har Soon Charaghan,
Youn Manayein Gay Jashnay Baharan,
Aashiqo Aamad E Mustafa Hai,
Deep Khushiyoon Kay Har Soun Jala Lo.
Jin Kay Hathoon Main Hai Unka Daman,
Naam E Ahmad Hai Jis Dil Ki Dharkan,
Jo Hai Pehchan Hum Aashiqoon Ki,
Jhoom Ker Unka Nara Laga Lo.
Bakht Chamkein Gay Aik Din Hamaray,
Dekh Lain Gay Woh Dilkash Nazaray,
Aapko Jo Bhi Sab Say Hain Pyaray,
Unkay Sadqay Main Hamko Bula Lo.
Puray Ho Jayein Gay Unkay Armaan,
Ker Rahay Hain Woh Bakhshish Ka Samaan,
Jashn E Milad Ki Barkatoon Say,
Apnay Qalb O Nazar Jagmaga Lo.
Midhat E Mustafa Hi Kay Sadqay,
Hain Moin Apnay Sab Kaam Bantay,
Har Ghari Zikr Ho Mustafa Ka,
Is Ko Apna Wazeefa Bana Lo.
Dey Rahey Hain Farishtey Salaami
Tum Duruudo Ki Maala Banaa Lo.
Aagae Mustafa Ki Sawaari
Apne Ghar Ko Diyo Sey Saga Lo.
Aa Gayi Mustafa Ki Sawari,
Apnay Ghar Ko Diloon Say Saja Lo,
Day Rahay Hain Farishtay Salaami,
Tum Duroodon Ki Mala Bana Lo.
COMMENTS