Hum Ko Bulana Ya Rasoolallah Lyrics - Farhan Ali Qadri

Hum ko bulana Ya Rasool Allah Lyrics in Written Urdu & Roman English

Hum ko bulana Ya Rasool Allah
Hum ko bulana Ya Rasoolallah.

Kabhi to sabz gunbad ka ujala hum bhi dekhein gay
Hamein bulwaein gay Aaqa madina hum bhi dekhein gay.

Dharak uthay ga yeh dil ya dharakna bhool jaye ga
Dil e bismil ka us dar par tamasha hum bhi dekhain gey.

Adab say hath bandhay unkay rozay per kharay houn gay
Sunehri jaliyoon ka youn nazara hum bhi dekhein gay.

Dar e dolat say lotaya nahin jata koi khali
Wahan khairat ka batna Khudaya hum bhi dekhein gay.

Barasti gunbad e khizra say takrati hoi boundein
Vahan per shaan say barish barasna hum bhi dekhein gay.

Guzaray raat din apnay isi umeed per hum nay
Kisi din to jamal e ruey zaiba hum bhi dekhein gay.

Dam e rukhsat qadam maan bhar kay hein mehsoos kertay hain
Kisay hai jakay lout aanay ka yara hum bhi dekhein gay.

Puhanch jayein gay jis din aie ujagar unkay qadmoon main
Kisay kehtay hain janat ka nazarah hum bhi dekhein gay.